شعر جديد للرائع /محمد الشريف فى /اقلام واراء

ابكي من الغربه فى بلاد الظلم
كل اللى جنيته عاوز احقق حلم
اتغربت كل اللي طالبه هو السلم
واهيني اتغربت ودقت طعم الظلم
صابر وبااصبر واقول بحقق حلم
واه لو عرفته يعني ايه طعم المر
وأهي ايام وتعدي ولازم عليا تمر
وبشرب من الكأس مهما يكون مر
وصفولي الصبر وصفه لازم عليه امر
ببكي من الغربه فى بلاد الظلم
وياريتني كمان اقدر احقق الحلم
عايش فى غربه بشكى من الظلم
بضحك وببتسم وانا بااشرب سم
والشوق ياخدني ومين بس يهتم
اقول كله يعدي فى سبيل الحلم
واصبر وحاصبر مهما يزيد الظلم
والله انا انسان وخلقني الله حر
وياغربه طريقك شوك لازم يمر
بقلم/ محمد الشريف