المبدعه وسام عبده تكتب كلمات من ديوانها الجديد في /اقلام واراء
(رحلة فى كتاب الله)
محتاجة رحلة ماتشبه اى شئ تانى
رحلة من كل احزانى
لا فيها طيارة ولا وقفة فى محطة
ماهى اصلها رحلة من غير ولاشنطة
كل البشر ممكن تطلعها وتسافر
تسكن كده من غير ماتزق وتعافر
لاتقول انا زهقان ولابكره مش فاضى
مهما تكون تعبان هتروحلها عادى
دى كمان لا اجبارى ولا فيها قوم بدرى
نهر الثواب جارى من غير بقى ماتجرى
سحر وجمال يفرق عن كل رحلاتك
نور فى الظلام دايما محتاجه فى حياتك
تكسب ثواب وتتوب وكله فى الامكان
تغسل كمان فى ذنوب وانت فى اى مكان
مين فينا مااتمناش للرحلة دى يطلع
اصل السفر ببلاش ومفيش حساب يجمع
كل السكك بتكون مسافات بنطويها
الا فى رحلتنا طولها محليها
لما بتنوى رحيل تحتاج اكيد لرفيق
ودى معاك فيها قلبك ده اوفى صديق
رحلة تثبتنا نتحملك ياحياة
ماهى اصل رحلتنا رحلة فى كتاب
________________________________________
(دنيا ودايرة)
دنيا ودايرة بين متاهات
واتفرج على سيرك يابيه
حواديت رجالة وستات
وعيال عمالة تقول هيه
بلالين طراطير حالفة تطير
وتغرد على صوت عصافير
متعشمة تصبح على خير
وتقول للأحزان سلامات
ناس بتطول السما عايشين
ولا شايفينا ولاحاسين
ومعاهم بقى ناس تانين
بيكملوا يومهم دعوات
ناس حاساك معجون بسذاجة
وقلوبهم زى التلاجة
فتجيلك علشان محتاجة
تقفل وياك ماضى وفات
وكتير مش مفهوم مع مين
تستغرب منهم غامضين
تتكلم فيردوا آمين
وعيونهم بتقول حكايات
بص لنفسك عامل ايه
سلملى على ولاد الايه
واللى يقول ازاى اوليه
رد وقوله قطرك فات
اتنطط زى المبسوط
واشرب فنجانك مظبوط
واياك تقطع خيط مربوط
يمكن معمول ليك بالذات
لاتعادى ولاتزرع شوك
واتعود ترمى اللى باعوك
وان فى حياتك يوم سآلوك
خللى حروفك دى الإثبات
____________________________________________
(أكيد هنعيش)
ياريت العمر يسمعنا
يوقف او يرجعنا
لأيام لسه بتسعنا
وبنسعها
ياريت الماضى بجماله
فضل ثابت على حاله
ولمه جميلة يحلاله
يرجعها
ياريت ملامحنا تعرفنا
وتقدر لينا توصفنا
ونسمعها
ومهما العمر هيعدى
وياخد مننا ويدى
مهنسى يوم أكيد جدى
ولمتنا وقلوبنا عمار
بنكبر بس من جوه
أنا وانت وكمان هو
وآدم كنا او حواء
بنتجمع فى نفس الدار
ماهو ماضينا بيشبهنا
ولما كبرنا نبهنا
مشينا بعيد لكن تهنا
ولازم يكمل المشوار
ياريتنى ماعيشت فيها كمان
ولاصدقت تفاصيلها
فى وسط الذكرى والنسيان
ولا اتشديت لأولها
هيجى علينا برضه الدور
نعيشها فى يوم ونتكسر
ومع دوايرها تانى ندور
ونفرح يوم ونتحسر
وتكمل رحلة النسيان
فتنساناوننساها
طبيعى وسنة الأزمان
نعيش العمر فى متاهة
قدر مكتوب على جبيننا
هنقسم جرحنا بينا
وننسى الماضى وسنينا
ومانبكيش
هنضحك ضحكة كدابة
ويغلب غلنا طيابة
مادمنا فى دنيا مش غابة
اكيد هنعيش
___________________________________________
(ع السطر)
ع السطر مال الحروف
متبعتره وخايفة
والورقة وسط الخوف
معمية مش شايفة
ياما الورق جواه
شال الألم والهم
دارى الوجع والآه
لكن بينزف دم
الكل بيقطع
وبياضه متحمل
مخلص مابيودع
وبجدعنة مكمل
بس الحروف تعبت
والكلمة حيرانة
لما الآيدين عجزت
توصفنا بأمانة
لسه القلم راسم
كل القلوب سودا
والورقة لساها
بالحزن موعودة
أمسك بإيدك قلم
وبإيدك التانية
ارسم وشوش باكية
ومودعة الدنيا
وارسم كمان الفرح
لو طل على غفلة
وسط الدموع والجرح
وأعزمناع الحفلة
لون قلوب الناس بالحب
لون واحد
خليه فى حياتنا أساس
وعليه بنتعاهد
لو شوفت كدب وزيف
خليه بعيد عنا
ارسم ربيع مع صيف
وقلوب بتتمنى
وأما الورق يخلص
من كتر مارسمنا
والكلمة تتلخص
وتكون بلا معنى
ابعد خلاص اياك
تكتب حروف تانية
وإياك تبص وراك
ماهى دنيتك فانية
____________________________________________
(اناالانسان)
يارب الكون انا الإنسان
انا العايش بلا عنوان
انا المتغطى بحياتى
وأنا البردان
انا اللى بكيت على ذنوبى
ماعمرى رضيت بمكتوبى
ويدعى ربى فى صلاتى
وانا الندمان
انا الإنسان انا الجاحد
وربى العالم الواحد
بيغفر ليا زلاتى
وأنا الغلطان
انا إنسان وراكب قطر
وأول حرف جوه السطر
ونفسى مرة مع ذاتى
احس أمان
انا اللى بقلبى حبيتك
ولو تكتب فى أزور بيتك
وأقرب ليك بخطواتى
هكون فرحان
انا الإنسان
_____________________________________________
(كله يقرب، كله يركز)
كله يقرب كله يركز
لازم ع بعضنا نتعكز
كله يقول وبنفس القلب
قررنا نسامح ونحب
هنفوت ع الحزن ومانسلم
وتخلى الأفراح تتكلم
هنصفى قلوبنا ده أساس
وهنفتحها لكل الناس
مشاكلنا هتلاقى الحل
لو بطلنا كره غل
وهنبدأ بقى صفحة جديدة
وهتضحك بدل التنهيدة
لا هنرجع لفراق ولابعد
هنكمل أحلامنا ببعض
الغايب راح نستناه
هنفضل بقلوبنا معاه
والحاضر راح نفرح بيه
هندور فى الزحمة عليه
اللى شارينا فى عينا نشيله
واللى بيكرهنا هندعيله
دنيتنا راح تبقى جميلة
لو حسينا بروح العيلة
قرايبنا هنفكر فيهم
وجيراننا هنتشرف بيهم
أصحابنا بحب نجمعهم
فى الشدة نخفف أوجاعهم
هنطبطب على بعض بخوف
نتغلب على أى ظروف
هنرجع للحب المعنى
ومفيش وانا مالى ولا اشمعنى ...
------------------------------
بقلم :وسام عبده
محتاجة رحلة ماتشبه اى شئ تانى
رحلة من كل احزانى
لا فيها طيارة ولا وقفة فى محطة
ماهى اصلها رحلة من غير ولاشنطة
كل البشر ممكن تطلعها وتسافر
تسكن كده من غير ماتزق وتعافر
لاتقول انا زهقان ولابكره مش فاضى
مهما تكون تعبان هتروحلها عادى
دى كمان لا اجبارى ولا فيها قوم بدرى
نهر الثواب جارى من غير بقى ماتجرى
سحر وجمال يفرق عن كل رحلاتك
نور فى الظلام دايما محتاجه فى حياتك
تكسب ثواب وتتوب وكله فى الامكان
تغسل كمان فى ذنوب وانت فى اى مكان
مين فينا مااتمناش للرحلة دى يطلع
اصل السفر ببلاش ومفيش حساب يجمع
كل السكك بتكون مسافات بنطويها
الا فى رحلتنا طولها محليها
لما بتنوى رحيل تحتاج اكيد لرفيق
ودى معاك فيها قلبك ده اوفى صديق
رحلة تثبتنا نتحملك ياحياة
ماهى اصل رحلتنا رحلة فى كتاب
________________________________________
(دنيا ودايرة)
دنيا ودايرة بين متاهات
واتفرج على سيرك يابيه
حواديت رجالة وستات
وعيال عمالة تقول هيه
بلالين طراطير حالفة تطير
وتغرد على صوت عصافير
متعشمة تصبح على خير
وتقول للأحزان سلامات
ناس بتطول السما عايشين
ولا شايفينا ولاحاسين
ومعاهم بقى ناس تانين
بيكملوا يومهم دعوات
ناس حاساك معجون بسذاجة
وقلوبهم زى التلاجة
فتجيلك علشان محتاجة
تقفل وياك ماضى وفات
وكتير مش مفهوم مع مين
تستغرب منهم غامضين
تتكلم فيردوا آمين
وعيونهم بتقول حكايات
بص لنفسك عامل ايه
سلملى على ولاد الايه
واللى يقول ازاى اوليه
رد وقوله قطرك فات
اتنطط زى المبسوط
واشرب فنجانك مظبوط
واياك تقطع خيط مربوط
يمكن معمول ليك بالذات
لاتعادى ولاتزرع شوك
واتعود ترمى اللى باعوك
وان فى حياتك يوم سآلوك
خللى حروفك دى الإثبات
____________________________________________
(أكيد هنعيش)
ياريت العمر يسمعنا
يوقف او يرجعنا
لأيام لسه بتسعنا
وبنسعها
ياريت الماضى بجماله
فضل ثابت على حاله
ولمه جميلة يحلاله
يرجعها
ياريت ملامحنا تعرفنا
وتقدر لينا توصفنا
ونسمعها
ومهما العمر هيعدى
وياخد مننا ويدى
مهنسى يوم أكيد جدى
ولمتنا وقلوبنا عمار
بنكبر بس من جوه
أنا وانت وكمان هو
وآدم كنا او حواء
بنتجمع فى نفس الدار
ماهو ماضينا بيشبهنا
ولما كبرنا نبهنا
مشينا بعيد لكن تهنا
ولازم يكمل المشوار
ياريتنى ماعيشت فيها كمان
ولاصدقت تفاصيلها
فى وسط الذكرى والنسيان
ولا اتشديت لأولها
هيجى علينا برضه الدور
نعيشها فى يوم ونتكسر
ومع دوايرها تانى ندور
ونفرح يوم ونتحسر
وتكمل رحلة النسيان
فتنساناوننساها
طبيعى وسنة الأزمان
نعيش العمر فى متاهة
قدر مكتوب على جبيننا
هنقسم جرحنا بينا
وننسى الماضى وسنينا
ومانبكيش
هنضحك ضحكة كدابة
ويغلب غلنا طيابة
مادمنا فى دنيا مش غابة
اكيد هنعيش
___________________________________________
(ع السطر)
ع السطر مال الحروف
متبعتره وخايفة
والورقة وسط الخوف
معمية مش شايفة
ياما الورق جواه
شال الألم والهم
دارى الوجع والآه
لكن بينزف دم
الكل بيقطع
وبياضه متحمل
مخلص مابيودع
وبجدعنة مكمل
بس الحروف تعبت
والكلمة حيرانة
لما الآيدين عجزت
توصفنا بأمانة
لسه القلم راسم
كل القلوب سودا
والورقة لساها
بالحزن موعودة
أمسك بإيدك قلم
وبإيدك التانية
ارسم وشوش باكية
ومودعة الدنيا
وارسم كمان الفرح
لو طل على غفلة
وسط الدموع والجرح
وأعزمناع الحفلة
لون قلوب الناس بالحب
لون واحد
خليه فى حياتنا أساس
وعليه بنتعاهد
لو شوفت كدب وزيف
خليه بعيد عنا
ارسم ربيع مع صيف
وقلوب بتتمنى
وأما الورق يخلص
من كتر مارسمنا
والكلمة تتلخص
وتكون بلا معنى
ابعد خلاص اياك
تكتب حروف تانية
وإياك تبص وراك
ماهى دنيتك فانية
____________________________________________
(اناالانسان)
يارب الكون انا الإنسان
انا العايش بلا عنوان
انا المتغطى بحياتى
وأنا البردان
انا اللى بكيت على ذنوبى
ماعمرى رضيت بمكتوبى
ويدعى ربى فى صلاتى
وانا الندمان
انا الإنسان انا الجاحد
وربى العالم الواحد
بيغفر ليا زلاتى
وأنا الغلطان
انا إنسان وراكب قطر
وأول حرف جوه السطر
ونفسى مرة مع ذاتى
احس أمان
انا اللى بقلبى حبيتك
ولو تكتب فى أزور بيتك
وأقرب ليك بخطواتى
هكون فرحان
انا الإنسان
_____________________________________________
(كله يقرب، كله يركز)
كله يقرب كله يركز
لازم ع بعضنا نتعكز
كله يقول وبنفس القلب
قررنا نسامح ونحب
هنفوت ع الحزن ومانسلم
وتخلى الأفراح تتكلم
هنصفى قلوبنا ده أساس
وهنفتحها لكل الناس
مشاكلنا هتلاقى الحل
لو بطلنا كره غل
وهنبدأ بقى صفحة جديدة
وهتضحك بدل التنهيدة
لا هنرجع لفراق ولابعد
هنكمل أحلامنا ببعض
الغايب راح نستناه
هنفضل بقلوبنا معاه
والحاضر راح نفرح بيه
هندور فى الزحمة عليه
اللى شارينا فى عينا نشيله
واللى بيكرهنا هندعيله
دنيتنا راح تبقى جميلة
لو حسينا بروح العيلة
قرايبنا هنفكر فيهم
وجيراننا هنتشرف بيهم
أصحابنا بحب نجمعهم
فى الشدة نخفف أوجاعهم
هنطبطب على بعض بخوف
نتغلب على أى ظروف
هنرجع للحب المعنى
ومفيش وانا مالى ولا اشمعنى ...
------------------------------
بقلم :وسام عبده
التعليقات على الموضوع