نرمين حكيم تنفرد من جديد فى اقلام واراء

قصيدة (الصعيدي لمه يعشق )
الصعيدي
الصعيدي قلبه حامي
لما يحب بيحب جامد
ومهما ضاقت بيه الظروف
بيعشق جدا من غير خوف
   ********* 
وممكن يعلنها ويقول انا بحبها
وبدوب فى حروف اسمها
وبعشق كل ملامحها
لكن ساعات يكتم جواها
رغم حبه واشتياقه 
************
الصعيدي
اه الصعيدي قلبه حامي
 وقت الشدة تلاقيه حد تاني
 قلبه من حديد راجل
 قلبه كل يوم للحب يزيد
ويقول  حبها ساكن في الوريد
**********
اه من الصعيدي لما يعشق
يطلع منه كلام جميل
 بيلحن يعزف مواويل
اه من الصعيدي لما يعشق
***********
اه من الصعيدي لما يعشق
يفضل يقول
اه يابوي دانا حبيت وغوايت
وبين بنات الكون
عشقت عيون
ومفيش زيها في الكون جمال
اه يا بوووي
ولقيت خلاص بنت الحلال
وبقول كمان  فيها مووال

**************
 اه من الصعيدي لمه يعشق
يفضل يصلي لرب الكون
ان يكون مع اللي اخترها
وتجمل حياته بوجودها
ومتبعدش عنه طول حياتها
اصلا خلاص قلبه عشقها
   ************
الصعيدي اناني في بعض الاحيان
بس  دايما حبه بيبان 
وملمحه دايما فضحها
لكن قلبه طيب
وعمره مكان جبان

بقلم نرمين حكيم