موهبة جديدة فى الشعر العامي ملقب ب عماد العمدة يكتب فى اقلام واراء

يعنى واشمعنى انا
دايما تعاندينى
انا اللى ظهرى اتحنى
حتى اسأئلى سنينى
ازرع بايدى الهنا
وبرضوا تعادينى
انا اللى بفوت
 على ترابك
الاقى الارض بتغنى
وانا اللى ما عمره
يوم سابك
ولا جه ف يوم
وقال عنى
ده انا اللى ف شدتك
 سابق
وانا اللى بقولك
 اتمنى
حسبتى الكل ف
 حسابك
وانا واقف ومستنى
ده انا الخير اللى
 بات  بالجوع
وانا الصوت اللى
 مش مسموع
وانا الفرح اللى
بات موجوع
وانا النيل اللى
 بات عطشان
وانا الصرخه اللى
من غير صوت
وانا اللى كل
كلامى سكوت
وانا اللى حياتى
شبه الموت
ناقصنى اعيش
لابس اكفان
انا الحلم اللى
متبدد
وانا الحزن اللى
متجدد
وانا العنوان
مليش عنوان
انا الشوف اللى
مش شايف
وانا حضنك لكن
خايف
وانا اللى نفسى
اعيش ف امان
وانا الممنوع
ومش مرغوب
وانا الموضوع
و مش مكتوب
غير ف دفاتر
النسيان
انا اللى بتوه
وانا ف بيتى
انا المسجون بحريتى
بدون سجان
دانا شمسك وانا ضلك
وانا امسك وفاضلك
وانا دليلك
وانا ليلك وانا نهارك
وانا الحادى لاشعارك
انا شعارك لثوارك
انا الميدان
انا صوتك ومشوارك
انا الغنوه وانا الالحان
انا جذورك وانا اصولك
وانا فروعك واغصانك
وانا حبه فى محصولك
وانا اكتر واحد صانك
ومش ندمان
بقلم /عماد العمدة