الشاعر محمد احمد حسن وهوا شاعر مصرى عامي ويشتهر ب ابو مهاود يكتب قصيدة جميلة فى اقلام واراء

لسه بشوفك ممكنه
______________
شوف كام سنه
مرت أوام على حبنا
والحب لسه بيتولد
يكبر معانا ف حضننا
يفضل يزوق عمرنا
حلمى اللى أنا
شايله عشانك ميت سنه
لسه باشوفك فى القمر
لسه باشوفك سوسنه
لسه باشوفك..
 فى وشوش كل البشر
وسط المطر
ويا هزات الشجر
ماليه عليا الأمكنه
لسه باشوفك ممكنه
رغم الهموم المزهله
وف قلب قلب المشكله
لسه باشوفك طوق نجاه
يوهب حياه ..
نظرة عنيكى ..
لمسة إديكى
فوق جبينى وبسمله
بتحل كل المسأله
برجع معاهم فى السنين
دايب حنين
وكأننا مع بعضنا
لسه بنتعلم
 غرام لسه بنبدأ من هنا
عشرين سنه
______________
ابومهاود
محمد احمد حسن